Уур амьсгалын тодорхойлолт

БУЛГАН АЙМГИЙН ЦАГ АГААРЫН НӨХЦЛИЙН 2023 ОНЫ   ТОЙМ

Агаарын температурын жилийн  дундаж -0.8 градус  хүйтнээс 2.4 градус  дулаан буюу ОЖД-тай харьцуулахад Хутаг, Тэшиг сумдын нутгаар ОЖД-с дулаан  бусад сумдын нутгаар -0.1-с...0.6 градус  буюу ОЖД орчим  байлаа.

 Агаарын үнэмлэхүй их температур Дашинчилэн суманд 7-р сард 36.6 градус хүрч дулаарсан  ба бусад сумдын нутгаар  20.3-с...35.2 градус хүрч дулаарсан байна.

    Агаарын температурын үнэмлэхүй бага Сэлэнгэ суманд 1-р сард -42.5 градус хүрч хүйтэрсэн ба бусад       сумдын нутгаар -20.1-с....-40.9   градус хүрч хүйтэрлээ.

  Хөрсний жилийн дундаж температур 2.3-с.....10.0 градус дулаан байсан байна.

   Хөрсний гадаргын үнэмлэхүй их температур Баяннуур  суманд 8-р сард 66.1 градус хүрч халсан буюу бусад сумдын нутгаар 40.9 –с... 65.3 градус хүрч дулаарсан байна.

     Хур тунадасны жилийн нийлбэр 204.4 мм-с 635.9 мм тунадас унаж хамгийн их тунадас 5-р сард  Гурванбулаг суманд 54.0 мм оржээ.

      Хур тунадасны жилийн нийлбэрийг ОЖД-тай харьцуулахад Баян-Агт, Бүрэгхангай, Сайхан, Баяннуур  сумдын нутгаар ОЖД орчим тунадас, бусад сумдын ОЖД-с их тунадас  унажээ.

Салхины жилийн дундаж хурд  1.2-3.3 м/с  байсан байна. 3-р сард  салхины хамгийн их хурд  Могод суманд 32 м/с хүрч салхилсан ба бусад сумдын нутгаар 18-с 30 м/с хүрч салхилсан байна.

Агаарын температурыг ОЖД-тай харьцуулахад Баян-Агт, Бугат, Хангал сумдын нутгаар ОЖД орчим дулаан бусад сумдын ОЖД-с дулаан жил болж өнгөрсөн байна.

Жилийн нийлбэр тунадасыг ОЖД-тай харьцуулахад Баян-Агт, Бүрэгхангай, Сайхан, Баяннуур сумдын нутгаар ОЖД орчим тунадастай бөгөөд бусад сумдын ОЖД-с ахиу тунадас орсон жил болж өнгөрлөө.

Тойм бичсэн Цаг уурын инженер Д.Энхээ.

2024.01.24.