Мэдээлэл > Уур амьсгалын тодорхойлолт

Уур амьсгалын тодорхойлолт

Шинэчлэгдсэн: 2022-12-01 16:59:18

БУЛГАН АЙМГИЙН ЦАГ АГААРЫН НӨХЦЛИЙН 2021 ОНЫ   ТОЙМ

Агаарын температурын жилийн  дундаж 3.8 градус дулаанаас -0.5 градус  хүйтэн буюу ОЖД-тай харьцуулахад 0.7- 2.6 градус дулаан байлаа. Агаарын үнэмлэхүй их температур Дашинчилэн суманд 7-р сард 34.5 градус хүрч халсан ба бусад нутгаар 25.2 – 34.2 градус хүрч дулаарсан байна. Агаарын температурын үнэмлэхүй бага Баяннуур суманд 1-р сард -41.1 градус хүйтэрсэн буюу бусад  сумдын нутгаар -29.4 -40.2 градус хүрч хүйтэрлээ. Хөрсний гадаргын үнэмлэхүй их температур Бугат суманд 6-р сард 68.6 градус хүрч халсан ба бусад сумдын нутгаар 55.3 - 68.2 градус хүрч дулаарсан байна. Хөрсний гадаргын үнэмлэхүй бага температур Баяннуур суманд 1-р сард -40.4 градус хүрч хүйтэрсэн буюу бусад сумдын нутгаар -29.3 -39.5 градус хүрч хүйтэрсэн байна. Хур тунадасны жилийн нийлбэр 270.0 мм-с 481.1 мм тунадас унаж хамгийн их тунадас 8-р сард Орхон суманд 206.0 мм оржээ. Хур тунадасны жилийн нийлбэрийг ОЖД-тай харьцуулахад Хутаг, Баян-Агт сумдын нутгаар ОЖД орчим, бусад сумдын нутгаар ОЖД-с ахиу тунадас тунадас унажээ. Салхины жилийн дундаж хурд  1.2-3.6 м/с байсан байна. 3-р сард  салхины хамгийн их хурд Гурванбулаг, Могод сумдад 34 м/с хүрч салхилсан байна. 

                                        2021  онд ажиглагдсан аюултай болон гамшигт үзэгдлүүд:

ГАМШИГТ ҮЗЭГДЭЛ: 2021 оны 3-р сарын 14-нд Бүрэгхангай, Гурванбулаг, Хишиг-Өндөр, Баяннуур сумдын нутгаар салхи баруун хойноос 25-34м/с, алсын барааны харагдац хаагдаж  49 минутаас 7 цаг 33 минут үргэлжилсэн шороон шуурга шуурч,  Могод, Бүрэгхангай, Гурванбулаг сумдын нутгаар салхи баруун хойноос 28-34м/с хүрч 2 цаг 40 минутаас 8 цаг 20 минут үргэлжилсэн хүчтэй салхины гамшигт үзэгдэл ажиглагдсан байна.

АЮУЛТАЙ ҮЗЭГДЭЛ: Хүчтэй салхи Хутаг-Өндөр, Баян-Агт, Сэлэнгэ, Бугат, Булган, Сайхан, Орхон, Дашинчилэн, Баяннуур, Рашаантад зэрэг сумдын нутгаар 3 минутаас 5 цаг 49 минут үргэлжилсэн бол Шороон шуурга Хутаг-Өндөр, Баян-Агт, Сэлэнгэ, Хангал, Сайхан, Орхон, Могод, Дашинчилэн, Баяннуур, Рашаант зэрэг сумдын нутгаар 13 минутаас 7 цаг 7 минут үргэлжлэн ажиглагдсан байна. Цасан шуурга Тэшиг, Баян-Агт, Хангал, Бугат, Булган, Сайхан, Орхон, Могод, Хишиг-Өндөр, Бүрэгхангай, Баяннуур зэрэг сумдын нутгаар 15 минутаас 4 цаг 30 минут үргэлжилсэн цаг агаарын  аюултай үзэгдэл ажиглагдсан байна.

Тойм бичсэн Цаг уурын инженер Д.Энхээ.

2022.01.24.

Холбоотой мэдээний жагсаалт

Гарчиг Үүсгэсэн огноо Шинэчлэгдсэн огноо Хандалт
Уур амьсгалын тодорхойлолт 2017-05-11 2022-12-01 1087
Уур амьсгалын тодорхойлолт 1 2016-11-08 2022-12-02 1541