ТОЙМ 10 ХОНОГ

2022 оны 5 дугаар сарын II-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж Дашинчилэн, Баяннуурт 16 градус,  бусад нутгаар 10-15 градус дулаан буюу олон жилийн дундаж утгатай харьцуулж үзвэл Сэлэнгэ, Могод, Булган, Гурванбулагт дунджийн орчим, бусад нутгаар 1.1-3.3 градусаар дулаан байлаа. Агаарын үнэмлэхүй их температур Хутаг, Сэлэнгэ, Дашинчилэнд 30 градус, бусад нутгаар 25-29 градус дулаан, агаарын үнэмлэхүй бага температур шөнөдөө Тэшиг, Бугат, Булган, Могод, Орхон, Сайхан, Хишиг-Өндөр, Баяннуур, Рашаантад 6-9 градус, бусад нутгаар 3-5 градус хүйтэн байв.

Салхи: Салхины хамгийн их хурд Булганд 18 м/с, Сэлэнгэд 15 м/с, Тэшиг, Баян-Агтад 14 м/с, бусад нутгаар 7-13 м/с хүрчээ. Салхины хурд 10 м/с-ээс давж Гурванбулагт 7, Хутаг, Булганд 6, Хишиг-Өндөрт 5, бусад нутгаар 1-3 өдөр салхилжээ.  

Хур тунадас: Энэ 10 хоногт Хангалд 1.6 мм, Бугатад 0.8 мм, Баян-Агтад 0.4 мм, Тэшиг, Булган, Сайханд 0.0 мм хур тунадас орсон бол бусад нутгаар ороогүй байна.  

Ургамал: Бэлчээрийн ургамлын ургалтын байдал 5 сарын 20-ны байдлаар нийт нутгаар ургамлын ургалт хэвийн байна. /Зураг 1/

Зураг 1. Бэлчээрийн ургамлын ургалтын байдал

 /2022 оны 5 дугаар сарын 20-ны байдлаар/

Тойм бичсэн: ХААЦУ-ын  инженер Э.Сарантуяа

2022-05-23