10 ХОНОГИЙН ТОЙМ

2019 оны 11 дүгээр сарын III-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж Тэшигт 24 градус, бусад нутгаар 14-19 градус хүйтэн буюу Хишиг-Өндөр, Рашаантад олон жилийн дунджаас 2-4 градусаар дулаан, бусад нутгаар 2-6 градусаар хүйтэн байлаа. 

Агаарт үнэмлэхүй их температур өдөртөө Гурванбулаг, Хишиг-Өндөр, Рашаантад 0-4 градус дулаан, бусад нутгаар 1-10 градус хүйтэн, шөнөдөө үнэмлэхүй бага температур нь Тэшиг, Сэлэнгэ, Бугат, Орхон, Баяннуурт 31-33 градус, бусад нутгаар 25-29 градус хүйтэн байв.   

Салхи: Салхины их хурд Гурванбулагт 19м/с, Бүрэгхангайд 16м/с, Могодод 15м/с, бусад нутгаар 5-14м/с хүрч салхилжээ. Салхины хурд 10м/с-ээс дээш давж Могодод 7, Гурванбулагт 6, Дашинчилэнд 5, Бүрэгхангайд 4, Сайхан, Рашаантад 3, Булганд 2, Сэлэнгэ, Баян-Агт, Бугатад 1 өдөр салхилав.

Хур тунадас: Энэ 10 хоногт Хангалд цас ороогүй бол Гурванбулагт 4.5 мм, Дашинчилэн, Орхон, Рашаантад 3.1-3.7 мм, бусад нутгаар 0.1-2.9 мм цас оржээ. Орсон тунадасны хэмжээг олон жилийн дундажтай харьцуулж үзвэл Сэлэнгэд дунджийн орчим, Тэшиг, Хутаг, Баян-Агт, Бугат, Сайханд дунджаас бага орсон бол бусад нутгаар дунджаас ахиу оржээ.

Цас: 11 дүгээр сарын 30-ны байдлаар Сайханд тарлан цастай, бусад нутгаар битүү  цасан бүрхүүлтэй байгаагаас Бугат, Баян-Агтад 9-10 см, нягт нь 0.12-0.13 гр/см³, Тэшиг, Сэлэнгэ, Гурванбулагт 7-8 см, нягт нь 0.13-0.22 гр/см³, Хутаг, Хангал, Баяннуурт 5-6 см, нягт нь 0.03-0.15 гр/см³, бусад нутгаар 1-4 см цастай байна.

Тойм бичсэн: ХААЦУ-ын инженер Э.Сарантуяа

2019-12-02