10 Хоногийн тойм /2022 оны 12 дугаар сарын 10-ны байдлаар/

2022 оны 12 дугаар сарын I-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж Тэшигт 27 градус, Баяннуурт 25 градус, Баян-Агт, Хишиг-Өндөр, Рашаантад 17-19 градус, бусад нутгаар 20-24 градус хүйтэн буюу нийт нутгаар олон жилийн дунджаас 2.5-6.1 градусаар хүйтэн байсан бол агаарын үнэмлэхүй бага температур Бугатад 34 градус, Тэшиг, Баяннуурт 33 градус, Хутаг, Сэлэнгэ, Орхон, Дашинчилэнд 30-32 градус, бусад нутгаар 25-29 градус хүйтэн байв. Агаарын температур -30 градусыг давж Тэшиг, Баяннуурт 9, Хутагт 7, Бугатад 6, Сэлэнгэд 1 өдөр хүйтэрчээ.

Салхи: Салхины хамгийн их хурд Сайханд 15 м/с, Могодод 14 м/с, бусад нутгаар 3-12 м/с хүрчээ. Салхины хурд 10 м/с-ээс давж салхилсан өдөр Могод, Гурванбулагт 4, Рашаантад 3, Сайхан, Хишиг-Өндөрт 2, Сэлэнгэ, Баян-Агт, Бүрэгхангай, Дашинчилэнд тус бүр 1 өдөр байв.

Хур тунадас: Энэ 10 хоногт ихэнх нутгаар хур тунадас ороогүй ба Сэлэнгэд 0.5 мм, Бугат, Бүрэгхангайд 0.2-0.3 мм, Хангалд 0.0 мм буюу олон жилийн дунджаас бага тунадас оржээ.

Цас: 12 дугаар сарын 10-ны байдлаар Орхон, Могод, Сайхан, Хишиг-Өндөрт бага зэргийн тарлан цастай, бусад нутгаар 2-6 см /сумын төвийн ойролцоох цасны хэмжилтийн талбайд/ зузаантай битүү цастай байна. /Зураг/

Зураг. Цасны зузаан, см  /2022 оны 12 дугаар сарын 10-ны байдлаар/

Тойм бичсэн: ХААЦУ-ын инженер Э.Сарантуяа

2022-12-12