10 ХОНОГИЙН ТОЙМ /2022 оны 12 дугаар сарын 31-ний байдлаар/

2022 оны 12 дугаар сарын III-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж Тэшигт 26 градус, Хутаг, Баяннуурт 23-24 градус, Бугат, Орхонд 22 градус, Сэлэнгэ, Хангал, Дашинчилэнд 20-21 градус, бусад нутгаар 15-19 градус хүйтэн буюу Хангал, Бугатад олон жилийн дунджаас 1.3-2.0 градусаар хүйтэн, бусад нутгаар дунджийн орчим байсан бол агаарын үнэмлэхүй бага температур Баяннуурт 36 градус, Тэшиг, Орхонд 35 градус, Хутагт 34 градус, Сэлэнгэ, Бугат, Дашинчилэн, Хишиг-Өндөрт 30-32 градус, бусад нутгаар 25-29 градус хүйтэн байв. Агаарын температур -30 градусыг давж Тэшигт 6, Баяннуурт 5, Хутагт 4, Бугат, Орхонд 3, Хишиг-Өндөрт 2 өдөр хүйтэрчээ.

Салхи: Салхины хамгийн их хурд Сэлэнгэд 13 м/с, Гурванбулагт 12 м/с, бусад нутгаар 3-11 м/с хүрчээ. Салхины хурд 10 м/с-ээс давж салхилсан өдөр Бүрэгхангайд 3, Сэлэнгэд 2, Могод, Булган, Гурванбулаг, Сайхан, Хишиг-Өндөр, Рашаантад тус бүр 1 өдөр байв.

Хур тунадас: Энэ 10 хоногт нийт нутгаар 1-3 удаа 0.6-6.1 мм орсноос Орхонд 6.1 мм, Сэлэнгэд 5.7 мм, Тэшиг, Хангалд 4.2-4.8 мм, Бугат, Сайхан, Бүрэгхангайд 3.5-3.6 мм, Булган, Баян-Агт, Гурванбулагт 2.2-2.6 мм бусад нутгаар 0.6-1.9 мм оржээ. Орсон тунадасны хэмжээг олон жилийн дундаж утгатай харьцуулбал Дашинчилэн, Рашаантад дунджаас бага, бусад нутгаар дунджаас ахиу тунадас оржээ.

Цас: 12 дугаар сарын 31-ний байдлаар Хангалд 11 см, нягт нь 0.19 гр/см³, Тэшиг, Бугат, Баяннуурт 8 см, нягт нь 0.10-0.14 гр/см³, Сэлэнгэд 7 см, нягт нь 0.13 гр/см³, Баян-Агтад 6 см, нягт нь 0.14 гр/см³, Хутаг, Бүрэгхангайд 5 см, нягт нь 0.11-0.16 гр/см³,    бусад нутгаар 2-4 см, гуу жалга хунгарласан газартаа 15-20 см /сумын төвийн ойролцоох хэмжилтийн талбайд/ зузаантай битүү цастай байна. /Зураг 1/

Зураг 1. Цасны зузаан, см  /2022 оны 12 дугаар сарын 31-ний байдлаар/

Тойм бичсэн: ХААЦУ-ын инженер Э.Сарантуяа

2023-01-02