10 ХОНОГИЙН ТОЙМ /2023 оны 1 дүгээр сарын 20-ны байдлаар/

2023 оны 1 дүгээр сарын II-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж Тэшигт 26 градус, Баяннуурт 22 градус, Сэлэнгэд 21 градус, бусад нутгаар 16-20 градус хүйтэн буюу Тэшиг, Могод, Булган, Баян-Агт, Бүрэгхангай, Хангал, Рашаантад дунджийн орчим, бусад нутгаар 1.5-5.4 градусаар дулаан байсан бол 10 хоногийн сүүлээр хүйтний эрч чангарч агаарын үнэмлэхүй бага Баяннуурт 40 градус, Тэшиг, Бугат, Орхонд 39 градус, Хутаг, Сэлэнгэ, Дашинчилэнд 36-37 градус, Рашаантад 29 градус, бусад нутгаар 30-34 градус хүйтэн байв. Агаарын температур -30 градусыг давж Тэшигт 6, Сэлэнгэ, Баяннуурт 5, Орхонд 4, бусад нутгаар 1-3 өдөр хүйтэрчээ.

Салхи: Салхины хамгийн их хурд Могодод 24 м/с, Гурванбулагт 20м/с, Бүрэгхангайд 16 м/с, бусад нутгаар 7-14 м/с хүрчээ. Салхины хурд 10 м/с-ээс давж салхилсан өдөр Могодод 9, Сайханд 8, Хишиг-Өндөр, Рашаант, Гурванбулагт 5, Хутаг, Бүрэгхангайд 4, бусад нутгаар 2-3 өдөр байв.

Хур тунадас: Энэ 10 хоногт Хутагт цас ороогүй, Бүрэгхангай, Бугат, Сэлэнгэ, Рашаантад 1.2-1.7 мм, Тэшиг, Хангалд 0.0 мм, бусад нутгаар 0.2-0.9 мм буюу орсон цасны хэмжээг олон жилийн дундаж утгатай харьцуулж үзвэл Тэшиг, Хангал, Орхонд дунджаас бага, Баян-Агт, Дашинчилэнд дунджийн орчим, бусад нутгаар дунджаас ахиу цас оржээ.  

Цас: 1 дүгээр сарын 20-ны байдлаар Хангалд 9 см, нягт нь 0.16 гр/см³, Баяннуурт 8 см, нягт нь 0.15 гр/см³, Тэшиг, Сэлэнгэд 7 см, нягт нь 0.10-0.20 гр/см³, Бугатад 6 см, нягт нь 0.10 гр/см³, Баян-Агтад 5 см, нягт нь 0.16 гр/см³, бусад нутгаар 2-4 см, гуу жалга хунгарласан газартаа 15-20 см /сумын төвийн ойролцоох хэмжилтийн талбайд/ зузаантай битүү цастай байна. /Зураг 1/

Зураг 1. Цасны зузаан, см  /2023 оны 1 дүгээр сарын 20-ны байдлаар/

Тойм бичсэн: ХААЦУ-ын инженер Э.Сарантуяа

2023-01-23