10 ХОНОГИЙН ТОЙМ /2023 оны 2 дугаар сарын 20-ны байдлаар/

2023 оны 2 дугаар сарын II-р 10 хоногийн цаг агаарын нөхцлийн тойм мэдээ

Агаарын температурын арав хоногийн дундаж Тэшигт 19 градус, Сэлэнгэ, Булган, Бугат, Баяннуурт 16 градус, бусад нутгаар 11-14 градус хүйтэн буюу Сэлэнгэ, Могодод олон жилийн дунджийн орчим, бусад нутгаар олон жилийн дунджаас 1.2-4.4 градусаар дулаан байсан бол агаарын үнэмлэхүй бага температур Тэшиг, Сэлэнгэ, Баяннуурт 29 градус, Бугат, Орхонд 28 градус, бусад нутгаар 22-27 градус хүйтэн байв.

Салхи: Салхины хамгийн их хурд Могодод 26 м/с, Хишиг-Өндөрт 18 м/с, бусад нутгаар 9-17 м/с хүрчээ. Салхины хурд 10 м/с-ээс давж салхилсан өдөр Бүрэгхангай, Гурванбулагт 3, Сэлэнгэ, Могод, Булган, Орхон, Сайхан, Хишиг-Өндөр, Рашаантад 2, бусад нутгаар 0-1 өдөр байв.

Хур тунадас: Энэ 10 хоногт Сэлэнгэд 1 удаа 0.0 мм цас орж бусад нутгаар цас ороогүй байна.

Цас: 2 дугаар сарын 20-ны байдлаар /сумын төвийн ойролцоох хэмжилтийн талбайд/ цасны зузаан өмнөх 10 хоногийхоос эрс багасч Хутаг, Могод, Дашинчилэн, Сайхан, Рашаант сумдын төвд цасгүй болсон бол Хангалд 8 см, нягт нь 0.15 гр/см3, Тэшигт 6 см, нягт нь 0.10 гр/см3, Бугатад 5 см, нягт нь 0.12 гр/см3 битүү цастай бусад нутгаар 1-4 см, тарлан цастай болоод байна. /Зураг 1/

Зураг 1. Цасны зузаан, см  /2023 оны 2 дугаар сарын 20-ны байдлаар/

Тойм бичсэн: ХААЦУ-ын инженер Э.Сарантуяа

2023-02-24