10 ХОНОГИЙН ТОЙМ /2023 оны 2 дугаар сарын 28-ны байдлаар/

2023 оны 2 дугаар сарын III-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж Тэшигт 12 градус, Бугатад 10 градус, бусад нутгаар 5-9 градус хүйтэн буюу нийт нутгаар олон жилийн дунджаас 5.7-9.4 градусаар дулаан байсан бол агаарын үнэмлэхүй бага температур Тэшиг, Сэлэнгэ, Бугат, Орхон, Баяннуурт 21-23 градус, Баян-Агтад 14 градус бусад нутгаар 16-20 градус хүйтэн байв.  

Салхи: Салхины хамгийн их хурд Могодод 17 м/с, Сэлэнгэд 15 м/с, бусад нутгаар 8-14 м/с хүрчээ. Салхины хурд 10 м/с-ээс давж салхилсан өдөр Сэлэнгэд 3,  Могод, Булган, Гурванбулаг, Баян-Агт, Сайхан, Хишиг-Өндөрт 2, бусад нутгаар 0-1 өдөр байв.

Хур тунадас: Энэ 10 хоногт Тэшигт цас ороогүй, бусад нутгаар тус бүр 1 удаа 0.0-3.9 мм цас орсноос хамгийн их нь Хутагт 3.9 мм, Рашаант, Гурванбулаг, Бүрэгхангайд 2.0-2.2 мм, Дашинчилэн, Хишиг-Өндөрт 1.1-.1.2 мм, бусад нутгаар 0.0-0.9 мм орсон байна.   

Цас: 2 дугаар сарын 28-ны байдлаар /сумын төвийн ойролцоох хэмжилтийн талбайд/ Сэлэнгэ, Баян-Агт, Сайхан, Могод сумдын төвд цасгүй болсон бол Гурванбулагт 7 см, нягт нь 0.10 гр/см³, Хутаг, Рашаантад 5 см, нягт нь 0.13-0.14 гр/см³, Хангал, Бүрэгхангай, Хишиг-Өндөрт 4 см, Тэшигт 3 см битүү цастай бусад нутгаар 0-2 см, тарлан цастай байна. /Зураг 1/

Зураг 1. Цасны зузаан, см  /2023 оны 2 дугаар сарын 28-ны байдлаар/

Тойм бичсэн: ХААЦУ-ын инженер Э.Сарантуяа

2023-03-01