10 ХОНОГИЙН ТОЙМ /2023 оны 4 дүгээр сарын 20-ны байдлаар/

2023 оны 4 дүгээр сарын II-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж Дашинчилэнд 6 градус дулаан, бусад нутгаар 1-5 градус дулаан буюу Тэшиг, Хутаг, Сэлэнгэ, Булганд олон жилийн дунджаас 1.1-2.0 градусаар хүйтэн, Баяннуурт олон жилийн дунджаас 1.3 градусаар дулаан, бусад нутгаар олон жилийн дунджийн орчим байжээ. Агаарт үнэмлэхүй бага температур Баян-Агт, Дашинчилэнд 9 градус, бусад нутгаар 10-14 градус хүйтэн байсан бол үнэмлэхүй их температур Гурванбулаг, Дашинчилэн, Баяннуурт 21-22 градус, бусад нутгаар 16-20 градус хүрч дулаарсан байна.   

Салхи: Салхины хамгийн их хурд Гурванбулагт 28 м/с, Могодод 25 м/с, Бүрэгхангайд 24 м/с, бусад нутгаар 13-20 м/с хүрчээ. Салхины хурд 10 м/с-ээс давж салхилсан өдөр Сэлэнгэ, Булган, Бүрэгхангай, айхан, Хишиг-Өндөрт 10, Тэшиг, Рашаантад 8, Баян-Агт, Баяннуурт 7, Бугатад 2 өдөр байв.

Хур тунадас: Энэ 10 хоногт Гурванбулагт хур тунадас ороогүй, бусад нутгаар 1-3 удаа 0.2-4.4 мм тунадас орсноос Тэшигт 4.4 мм, Бугатад 3.8 мм, Булган, Сэлэнгэд 2.6-2.9 мм, бусад нутгаар 0.2-1.7 мм оржээ. Орсон тунадасны хэмжээг олон жилийн дундаж утгатай харьцуулж үзвэл Тэшиг, Бугатад дунджаас ахиу, Сэлэнгэд дунджийн орчим, бусад нутгаар дунджаас бага тунадас орсон байна.

Цаг агаарын нөхцлийн онцлог

• Энэ 10 хоногт агаарын температур ихэнх нутгаар олон жилийн дунджийн орчим байлаа.
• Тэшиг, Хутаг, Сэлэнгэ, Булган, Баян-Агт, Гурванбулаг, Бугат, Бүрэгхангай, Орхон, Хангал, Хишиг-Өндөр, Баяннуур, Дашинчилэн сумдын нутгаар бэлчээрийн ургамал цухуйж эхлээд байна.
• МАА-н үйлдвэрлэлд мал төллөх, нэмэгдэл тэжээл өгөх, ямаа самнах ажил хийгдэж   байна.

Тойм бичсэн: ХААЦУ-н инженер Э.Сарантуяа

2023-04-21