10 ХОНОГИЙН ТОЙМ /2023 оны 4 дүгээр сарын 30-ны байдлаар/

2023 оны 4 дүгээр сарын III-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж Дашинчилэн, Баяннуурт 8 градус, Орхон, Бүрэгхангай, Рашаантад 6 градус, бусад нутгаар 3-5 градус дулаан буюу Хангал, Сайхан, Баяннуурт дунджийн орчим, Булган, Бугат, Бүрэгхангай, Хишиг-Өндөрт олон жилийн дунджаас 1.1-2.2 градусаар дулаан, бусад нутгаар олон жилийн дунджаас 1.1-3.3 градусаар хүйтэн байжээ. Агаарт үнэмлэхүй бага температур Могодод 11 градус, бусад нутгаар 7-10 градус хүйтэн байсан бол үнэмлэхүй их температур Хутаг, Дашинчилэнд 26 градус, бусад нутгаар 21-25 градус хүрч дулаарсан байна.   

Салхи: Салхины хамгийн их хурд Бүрэгхангайд 28 м/с, Могодод 24 м/с, Гурванбулаг, Хишиг-Өндөр, Рашаантад 23 м/с, бусад нутгаар 12-20 м/с хүрчээ. Салхины хурд 10 м/с-ээс давж салхилсан өдөр Гурванбулаг, Хишиг-Өндөрт 9, Бүүрэгхангай, Сайханд 8, Могодод 7, Сэлэнгэ, Булган, Рашаантад 6, бусад нутгаар 1-5 өдөр байв.

Хур тунадас: Энэ 10 хоногт Дашинчилэнд хур тунадас ороогүй, бусад нутгаар 1-3 удаа 0.0-2.5 мм тунадас орсноос Тэшигт 2.5 мм, Бугатад 1.6 мм, Гурванбулагт 1.1 мм, Баян-Агт, Сайханд 1.0 мм, бусад нутгаар 0.0-0.8 мм оржээ. Орсон тунадасны хэмжээг олон жилийн дундаж утгатай харьцуулж үзвэл Тэшигт дунджийн орчим, бусад нутгаар дунджаас бага тунадас орсон байна.

Ургамал: Бэлчээрийн ургамлын ургалтын байдал 4 дүгээр сарын 30-ны байдлаар ихэнх нутгаар дунд үнэлгээтэй байгаа ба Гурванбулаг сумын нутгаар хэвийн байна.    

Зураг 1. Бэлчээрийн ургамлын ургалтын байдал

 /2023 оны 4 дүгээр сарын 30-ны байдлаар/

Тойм бичсэн: ХААЦУ-н инженер Э.Сарантуяа

2023-05-01