10 ХОНОГИЙН ТОЙМ /2023 оны 5 дугаар сарын 10-ны байдлаар/

2023 оны 5 дүгээр сарын I-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж Дашинчилэн, Баяннуурт 11 градус, бусад нутгаар 6-9 градус дулаан буюу Тэшиг, Баян-Агтад олон жилийн дунджаас 1.2 градусаар хүйтэн, Бугат, Хангал, Дашинчилэн, Баяннуурт дунджаас 1.1-1.8 градусаар дулаан, бусад нутгаар дунджийн орчим байжээ. Агаарт үнэмлэхүй бага температур Гурванбулаг, Дашинчилэн, Баяннуурт 0.1-0.7 градус дулаан, бусад нутгаар 1-6 градус хүйтэн байсан бол үнэмлэхүй их температур ихэнх нутгаар 20-26 градус, Баян-Агтад 19 градус дулаан байв.   

Салхи: Салхины хамгийн их хурд Гурванбулаг, Могодод 28 м/с, Хишиг-Өндөр, Бүрэгхангайд 23-24 м/с, Сайханд 21 м/с, бусад нутгаар 12-20 м/с хүрчээ. Салхины хурд 10 м/с-ээс давж салхилсан өдөр Гурванбулагт 8, Сэлэнгэ, Хишиг-Өнддөр, Баяннуурт 6, Булган, Сайхан, Могодод 5, бусад нутгаар 1-4 өдөр байв.

Хур тунадас: Энэ 10 хоногт нийт нутгаар 1-6 удаа 0.3-16.1 мм тунадас орсноос Тэшигт 16.1 мм, Бүрэгхангай, Хишиг-Өндөрт 12.5-12.8 мм, Сэлэнгэ, Хангал, Орхонд 8.4-9.6 мм, Бугат, Сайхан, Рашаантад 6.4-6.8 мм, бусад нутгаар 0.3-3.2 мм оржээ. Орсон тунадасны хэмжээг олон жилийн дундаж утгатай харьцуулж үзвэл Хутаг, Баян-Агт, Могод, Дашинчилэн, Баяннуурт дунджаас бага, Гурванбулаг, Рашаантад дунджийн орчим, бусад нутгаар дунджаас ахиу тунадас орсон байна.

Ургамал: Бэлчээрийн ургамлын ургалтын байдал 5 дугаар сарын 10-ны байдлаар ихэнх нутгаар дунд үнэлгээтэй байгаа ба Могод, Гурванбулаг сумын нутгаар хэвийн байна.    

Тойм бичсэн: ХААЦУ-н инженер Э.Сарантуяа

2023-05-11