10 ХОНОГИЙН ТОЙМ /2024 оны 05 дугаар сарын 20-ны байдлаар/

2024 оны 5 дугаар сарын II-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж Дашинчилэнд 19 градус, Орхон, Баяннуурт 18 градус, Булган, Могодод 14 градус, бусад нутгаар 15-17 градус дулаан буюу нийт нутгаар олон жилийн дунджаас 3.5-6.0 градусаар дулаан байлаа.

Агаарт үнэмлэхүй бага температур Тэшиг, Хутаг, Баян-Агт, Могод, Гурванбулагт 0.1-2.2 градус дулаан, бусад нутгаар 0.4-3.9 градус хүйтэн байсан бол үнэмлэхүй их температур Хутаг-Өндөрт 33 градус, Сэлэнгэ, Тэшиг, Орхон, Хангалд 32 градус, бусад нутгаар 28-30 градус хүрч дулаарсан байна.   

Салхи: Салхины хамгийн их хурд түр зуур Сэлэнгэ, Булган, Баян-Агтад 18 м/с, бусад нутгаар 11-17 м/с хүрчээ. Салхины хурд 10 м/с-ээс давж салхилсан өдөр Сэлэнгэ, Булганд 8, Баян-Агт, Бүрэгхангай, Сайхан, Гурванбулагт 7, бусад нутгаар 1-6 өдөр байв.

Хур тунадас: Энэ 10 хоногт Гурванбулаг, Дашинчилэн, Баяннуур, Рашаантад хур тунадас ороогүй, бусад нутгаар 2-4 удаа 0.0-4.3 мм тунадас орсноос Бугатад 4.3 мм, Сайханд 3.4 мм, Сэлэнгэд 2.8 мм, бусад нутгаар 0.0-1.9 мм оржээ. Орсон тунадасны хэмжээг олон жилийн дундаж утгатай харьцуулж үзвэл нийт нутгаар дунджаас бага тунадас орсон байна.

Ургамал: Бэлчээрийн ургамлын ургалтын байдал 5 дугаар сарын 20-ны байдлаар Баян-Агт, Сайхан, Булган сумын нутгаар дунд, бусад нутгаар хэвийн байна. /Зургаар хавсаргав./

Тойм бичсэн: ХААЦУ-н инженер Э.Сарантуяа

2024-05-21