10 ХОНОГИЙН ТОЙМ

2019 оны 10 дугаар сарын I-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж нийт нутгаар 3-6 градус дулаан буюу Дашинчилэн,Орхон, Хишиг-өндөрт олон жилийн дунджаас 1-2 градусаар дулаан байсан бол, бусад нутгаар олон жилийн дунджийн орчим байлаа. 

Агаарт үнэмлэхүй их температур өдөртөө Хутаг, Сэлэнгэ, Гурванбулаг, Баян-Агт, Дашинчилэн, Баяннуурт  19-21 градус, бусад нутгаар 17-18 градус дулаан, шөнөдөө үнэмлэхүй бага температур нь нийт нутгаар 6-8 градус хүйтэн байв.   

Салхи: Салхины их хурд  Гурванбулагт 18 м/с, Дашинчилэнд 17 м/с, Тэшиг, Сэлэнгэ, Могод, Булган, Бүрэгхангай, Орхон, Сайхан, Баяннуур, Рашаантад 13-16м/с, бусад нутгаар 8-12м/с хүрч салхилжээ. Салхины хурд 10м/с-ээс дээш давж Гурванбулаг, Дашинчилэнд 8, Сэлэнгэ 7, Могод, Булганд 6, Рашаантад 5, Бүрэгхангай, Сайхан, Баяннуурт 3-4, бусад нутгаар  1-2 өдөр салхилав.

Хур тунадас: Энэ 10 хоногт  Сайхан, Баян-Агт, Сэлэнгэд 15-16 мм, Хутаг, Могод, Булган, Бүрэгхангай  Орхонд 10-13 мм, Бугат, Хишиг-Өндөрт 9 мм, Хангалд 6 мм, бусад нутгаар  0-3 мм хур тунадас орсон. Орсон тунадасны хэмжээг олон жилийн дундаж утгатай харьцуулж үзвэл: Тэшигт дунджийн орчим,  Гурванбулаг, Дашинчилэн, Баяннуур, Рашаантад дунджаас бага, бусад нутгаар дунджаас ахиу тунадас оржээ.

10 дугаар сарын 10-ны байдлаар аймгийн нийт нутгаар бэлчээрийн ургамал хаталт хагдралтын үе шатанд ороод байна. 

Тойм бичсэн: ХААЦУ-ын ахлах техникч  Б.Энхцэцэг

2019-10-11