> Цаг уурын шинжилгээний мэдээ

Сарын тойм

Шинэчлэгдсэн: 2024-02-22 18:54:16

2024 оны 1 дугаар сарын цаг агаарын нөхцлийн тойм

Агаарын температурын сарын дундаж утга нийт нутгаар -15.3-с...-23.9 градус хүйтэн байлаа. Агаарын температурыг олон жилийн дундаж утгатай харьцуулахад Гурванбулаг, Дашинчилэн сумдын нутгаар олон жилийн дундаж орчим  бусад сумдын нутгаар олон жилийн дунджаас  дулаан  байлаа.

Хур тунадас: Нийт сумдын нутгаар сардаа 3-9 удаа 2.3-7.1 мм тунадас орсон байна. Хамгийн их тунадас Дашинчилэн суманд 7.1мм орсон бөгөөд орсон тунадасны  хэмжээг олон жилийн дундаж утгатай харьцуулбал нийт сумдын нутгаар ОЖД-с их  тунадас орлоо.

Салхи: Сарын хамгийн их салхи Могод суманд 23 м/с  бусад сумдын нутгаар 11-22 м/с  хүрч салхилжээ. Сардаа 10 м/с-ээс дээш давж салхилсан өдөр нийт сумдад 1-10 өдөр ажиглагдсан байна.

Цас:2024 оны 1-р сарын 31-ны  хээрийн цасны хэмжилтээр нийт сумдын нутгаар битүү цасан бүрхүүлтэй 3-25 см зузаан цастай, цасны нягт 0.12-с 0.32 г/ см байна. Тэшиг, Хутаг, Сайхан  сумдын нутгаар цасны зузаан 3-4 см тул цасны нягт тодорхойлоогүй. Засгийн Газрын 286 дугаар тогтоолын дагуу өвөлжилтийн нөхцөл байдлыг өвлийн цасны аялан судалгааны мэдээнд үндэслэн үнэлэхэд Рашаант сумын нутгаар цасны нягт 0.31-0.47 гр/см3 хүрч төмөр буюу шилэн зудын, Могод, Гурванбулаг, Дашинчилэн, Баяннуур сумын ихэнх Хишиг-Өндөр, Бүрэгхангай сумын зарим нутгаар хөрлөж хатуурсан зузаан цастайн улмаас цагаан зудтай, Булган, Хангал сумын ихэнх,  Сайхан, Бугат, Орхон сумын зарим багийн нутгаар цагаанаар зудархуу нөхцөлд байна.

 

 

 

 

 

Булган УЦУОШТ. Тойм бичсэн инженер Д.Энхээ

2024-02-01.