Цаг уурын мэдээ > Хөдөө аж ахуйн цаг уурын тойм
10 ХОНОГИЙН ТОЙМ /2024 оны 07 дугаар сарын 10-ны байдлаар/
![](/images/blank.gif)
![](/images/blank.gif)
2024 оны 7 дугаар сарын I -р 10 хоногийн
цаг агаарын нөхцлийн тойм мэдээ
Агаарын температурын арав хоногийн дундаж Дашинчилэн, Баяннуурт 26 градус, бусад нутгаар 20-25 градус дулаан буюу нийт нутгаар олон жилийн дунджаас 3.7-6.2 градусаар дулаан байлаа.
Агаарт үнэмлэхүй бага температур нийт нутгаар 9.5-14.3 градус дулаан байсан бол үнэмлэхүй их температур Дашинчилэнд 35 градус, Гурванбулаг, Баяннуурт 34 градус, Сэлэнгэ, Рашаантад 33 градус, Бугатад 29.4 градус, бусад нутгаар 30-32 градус хүрч дулаарсан байна.
Салхи: Салхины хамгийн их хурд түр зуур Тэшигт 21 м/с, Могодод 20 м/с, бусад нутгаар 7-16 м/с хүрчээ. Салхины хурд 10 м/с-ээс давж салхилсан өдөр Бүрэгхангай, Хишиг-Өндөр, Баяннуурт 7, бусад нутгаар 1-4 өдөр байв.
Хур тунадас: Энэ 10 хоногт нийт нутгаар 3-5 удаа 0.5-30.3 мм тунадас орсноос Хутаг-Өндөр, Бүрэгхангайд 30.3 мм, Тэшиг 16.1 мм, Бугат, Сэлэнгэ, Баян-Агтад 8.9-10.0 мм, бусад нутгаар 0.5-7.3 мм оржээ. Орсон тунадасны хэмжээг олон жилийн дундаж утгатай харьцуулж үзвэл Бүрэгхангайд дунджаас ахиу, Хутаг-Өндөрт дунджийн орчим, бусад нутгаар дунджаас бага тунадас орсон байна.
Ургамал: Бэлчээрийн ургамлын ургалтын байдал 7 дугаар сарын 10-ны байдлаар Гурванбулаг сумын нутгаар дунд, бусад нутгаар хэвийн үнэлгээтэй байна. /Зургаар хавсаргав./
Тойм бичсэн: ХААЦУ-н инженер Э.Сарантуяа
2024-07-11