10 ХОНОГИЙН ТОЙМ /2023 оны 7 дугаар сарын 20-ны байдлаар/

2023 оны 7 дугаар сарын II-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж Орхон, Дашинчилэн, Баяннуурт 21-22 градус, бусад нутгаар 18-20 градус дулаан буюу Бугат, Хангал, Орхон, Хишиг-Өндөр, Дашинчилэнд олон жилийн дунджаас 1.1-1.4 градусаар дулаан бусад нутгаар дунджийн орчим байжээ. Агаарын температур өдөртөө Дашинчилэн, Баяннуурт 33-34 градус, Хутаг, Сэлэнгэ, Орхон, Гурванбулаг, Рашаантад 31-32 градус, бусад нутгаар 28-30 градус дулаан, шөнөдөө нийт нутгаар 6-12 градус дулаан байлаа.    

Салхи: Салхины хамгийн их хурд борооны өмнө салхи түр зуур Гурванбулагт 20 м/с, Бүрэгхангай, Хишиг-Өндөрт 18 м/с, бусад нутгаар 11-16 м/с хүрчээ. Салхины хурд 10 м/с-ээс давж салхилсан өдөр Гурванбулагт 5, бусад нутгаар 1-4 өдөр байв.

Хур тунадас: Энэ 10 хоногт нийт нутгаар 2-7 удаа 8.1-57.1 мм тунадас орсноос Бугатад 57.1 мм, Хутаг, Баян-Агт, Булганд 43.1-45.5 мм, Хишиг-Өндөрт 31.7 мм, Тэшиг, Сэлэнгэ, Бүрэгхангайд 25.1-28.8 мм, бусад нутгаар 8.1-19.2 мм оржээ. Орсон тунадасны хэмжээг олон жилийн дундаж утгатай харьцуулбал Тэшиг, Сэлэнгэ, Хишиг-Өндөр, Баяннуур, Рашаантад дунджийн орчим, Хутаг, Булган, Баян-Агт, Бугат, Бүрэгхангайд дунджаас ахиу, бусад нутгаар дунджаас бага тунадас орсон байна.

Ургамал: Зуншлагын байдал 7 дугаар сарын 20-ны байдлаар Баяннуурын зарим хэсгээр дунд, бусад нутгаар сайн үнэлгээтэй байна.

Тойм бичсэн: ХААЦУ-н инженер Э.Сарантуяа

2023-07-21