10 ХОНОГИЙН ТОЙМ /2023 оны 8 дугаар сарын 10-ны байдлаар/

2023 оны 8 дугаар сарын I-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж Орхон, Гурванбулаг, Дашинчилэн, Баяннуур, Рашаантад  21-23 градус, бусад нутгаар 18-20 градус дулаан буюу нийт нутгаар олон жилийн дунджаас 2.3-3.9 градусаар дулаан байжээ. Агаарын температур өдөртөө Гурванбулаг, Дашинчилэн, Баяннуурт 33 градус, Хутаг, Сэлэнгэ, Булган, Орхонд 30-31 градус, бусад нутгаар 26-29 градус дулаан, шөнөдөө нийт нутгаар 10-15 градус дулаан байлаа.    

Салхи: Салхины хамгийн их хурд борооны өмнө салхи түр зуур Ёэлэнгэд 18 м/с Гурванбулагт 16 м/с, бусад нутгаар 10-15 м/с хүрчээ. Салхины хурд 10 м/с-ээс давж салхилсан өдөр Булган, Бүрэгхангай, Гурванбулагт 6, Хишиг-Өндөрт 5, бусад нутгаар 1-4 өдөр байв.

Хур тунадас: Энэ 10 хоногт нийт нутгаар 2-10 удаа 12.0-81.2 мм тунадас орсноос Бугатад 81.2 мм, Тэшигт 56.3 мм, Хутаг, Сэлэнгэ, Рашаантад 40.8-45.0 мм, Булганд 39.2 мм, бусад нутгаар 12.0-27.5 мм оржээ. Орсон тунадасны хэмжээг олон жилийн дундаж утгатай харьцуулбал Хутаг, Тэшиг, Сэлэнгэ, Булган, Рашаантад дунджаас ахиу, Гурванбулаг, Баяннуурт дунджийн орчим, бусад нутгаар дунджаас бага тунадас орсон байна.

Ургамал: Зуншлагын байдал 8 дугаар сарын 10-ны байдлаар нийт нутгаар сайн үнэлгээтэй байна.

Тойм бичсэн: ХААЦУ-н  инженер Э.Сарантуяа

2023-08-11