10 ХОНОГИЙН ТОЙМ /2024 оны 8 дугаар сарын 20-ны байдлаар/

2024 оны 8 дугаар сарын II-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж Дашинчилэн, Баяннуурт 22 градус, бусад нутгаар 18-20 градус дулаан буюу  нийт нутгаар олон жилийн дунджаас 2.9-5.2 градусаар дулаан байлаа.

Агаарт үнэмлэхүй бага температур нийт нутгаар 5.9-12.2 градус дулаан байсан бол үнэмлэхүй их температур Дашинчилэн, Баяннуурт 34 градус,  Сэлэнгэ, Гурванбулагт 33 градус, Тэшиг, Хутаг-Өндөр, Орхон, Рашаантад 31-32 градус, бусад нутгаар 27-30 градус хүрч дулаарсан байна.   

Салхи: Салхины хамгийн их хурд борооны өмнө түр зуур  Тэшигт 22 м/с, Баян-Агтад 16 м/с, бусад нутгаар 7-14 м/с хүрчээ. Салхины хурд 10 м/с-ээс давж салхилсан өдөр Баяннуурт 5, Баян-Агтад 4, Сайхан, Рашаантад 3, бусад нутгаар 1-2 өдөр байв.

Хур тунадас: Энэ 10 хоногт нийт нутгаар 1-4 удаа 0.0-20.4 мм тунадас орсноос  Рашаантад 20.4 мм, Баяннуурт 13.7 мм, Тэшиг, Хутаг-Өндөрт 9.6 мм, Гурванбулагт 9.0 мм, Дашинчилэнд 8.8 мм, бусад нутгаар 0.0-6.0 мм оржээ. Орсон тунадасны хэмжээг олон жилийн дундаж утгатай харьцуулж үзвэл Баяннуур, Рашаантад дунджийн орчим, бусад  нутгаар дунджаас бага тунадас орсон байна.

Ургамал: Зуншлагын байдал 8 дугаар сарын 20-ны байдлаар Гурванбулаг сумын нутгаар дунд, бусад нутгаар хэвийн үнэлгээтэй байна. /Зургаар хавсаргав./