10 ХОНОГИЙН ТОЙМ /2024 оны 11 дүгээр сарын 20-ны байдлаар/

2024 оны 11 дүгээр сарын II-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж 3-10 градус хүйтэн, буюу нийт нутгаар олон жилийн дунджаас 3.4-9.2 градусаар дулаан байлаа.

Агаарын температур өдөртөө 5-10 градус дулаан, шөнөдөө Бүрэгхангай, Гурванбулагт 12-14 градус, бусад нутгаар 15-20 градус хүйтэн байв.   

Хур тунадасны хувьд Орхон, Бүрэгхангай, Дашинчилэн, Гурванбулаг, Баяннуур, Рашаант сумын нутгаар хур тунадас ороогүй, бусад нутгаар 1-3 удаа 0.0-1.4 мм хур тунадас орсноос Хутаг-Өндөр, Баян-Агт, Бугатад 1.1-1.4 мм, Сэлэнгэд 0.8 мм, бусад нутгаар 0.0-0.5 мм оржээ. Орсон тунадасны хэмжээг олон жилийн дундаж утгатай харьцуулж үзвэл ихэнх нутгаар дунджаас бага, Баян-Агт, Хутаг-Өндөр, Могодод дунджийн орчим тунадас оржээ.

Салхины хурд ихэнх хугацаанд 0-15 м/с, 15, 16-нд зарим газраар түр зуур 11-22 м/с хүрч ширүүссэн байна. Салхины хурд 10 м/с-ээс давж салхилсан өдөр Сайханд 9, Хишиг-Өндөр, Бүрэгхангайд 7, Сэлэнгэ, Баян-Агт, Булганд 5, бусад нутгаар 1-4 өдөр байв.

Цас: 11 дүгээр сарын 20-ны байдлаар Хутаг-Өндөрт 0 см тарлан цастай /сумын төвийн ойролцоох хэмжилтийн талбайд/, бусад нутгаар цасгүй байна.

Тойм бичсэн: ХААЦУ-н инженер Э.Сарантуяа

2024-11-21