10 ХОНОГИЙН ТОЙМ /2024 оны 10 дугаар сарын 10-ны байдлаар/

2024 оны 10 дугаар сарын I-р 10 хоногийн

цаг агаарын нөхцлийн тойм мэдээ

Агаарын температурын арав хоногийн дундаж нийт нутгаар 4.2-9.0 градус дулаан буюу аймгийн нийт нутгаар олон жилийн дунджаас 1.1-4.1 градусаар дулаан байлаа.

Агаарын температур өдөртөө ихэнх нутгаар 16-20 градус, Гурванбулаг, Дашинчилэн, Баяннуурт 21 градус дулаан, шөнөдөө 3-8 градус хүйтэн байв.   

Хур тунадасны хувьд нийт нутгаар 1-4 удаа 0.0-1.4 мм хур тунадас, нойтон цас орсноос Тэшиг, Бугат, Хишиг-Өндөр, Гурванбулагт 1.2-1.4 мм, бусад нутгаар 0.0-0.9 мм оржээ. Орсон тунадасны хэмжээг олон жилийн дундаж утгатай харьцуулж үзвэл нийт нутгаар дунджаас бага тунадас орсон байна.

Салхины хурд ихэнх хугацаанд 1-14 м/с, 08, 10-нд зарим үед түр зуур 14-26 м/с хүрч ширүүссэн байна. Салхины хурд 10 м/с-ээс давж салхилсан өдөр Сэлэнгэд 8, Орхон, Хишиг-Өндөрт 6, бусад нутгаар 1-5 өдөр байв.

МАА-н үйлдвэрлэлд сүү сааль, хадлан тэжээл, хужир шүү бэлтгэх, мал оторлуулах ажил хийгдэж байна.

Тойм бичсэн: ХААЦУ-н инженер Э.Сарантуяа

2024-10-14