10 ХОНОГИЙН ТОЙМ /2024 оны 03 дугаар сарын 31-ний байдлаар/

2024 оны 3 дугаар сарын III-р 10 хоногийн

цаг агаарын нөхцөлийн тойм мэдээ

Агаарын температурын арав хоногийн дундаж Бугат, Булган, Баяннуурт 0.2...1.5 градус хүйтэн, бусад нутгаар 0.2..2.0 градус дулаан буюу олон жилийн дундажтай харьцуулахад нийт нутгаар дунджаас 2.9...5.8 градусаар дулаан байжээ.

Агаарын температур хугацааны эхээр шөнөдөө -2...-13 градус хүйтэн, өдөртөө 5...12 градус дулаан, хугацааны сүүлээр шөнөдөө -4...4 градус, өдөртөө 9...15 градус дулаан байлаа.  

Салхи: Салхины хамгийн их хурд Могодод 24 м/с, Бүрэгхангай, Дашинчилэнд 20 м/с, Булган, Гурванбулагт 19 м/с, Сэлэнгэ, Хишиг-Өндөрт 18 м/с, бусад нутгаар 11-16 хүрч ширүүссэн байна. Салхины хурд 10 м/с-ээс дээш салхилсан өдөр Сэлэнгэ, Могодод 8, Хутаг-Өндөр, Сайхан, Булган, Бүрэгхангай, Гурванбулагт 7, Баян-Агтад 6, Тэшиг, Баяннуурт 5, бусад нутгаар 1-4 өдөр байна.

Хур тунадас: Энэ 10 хоногт Тэшиг, Хутаг-Өндөр, Булган, Баян-Агт, Орхон, Сайхан, Гурванбулаг, Дашинчилэн, Баяннуурт хур тунадас ороогүй, бусад нутгаар 1-3 удаа 0.0...0.2 мм хур тунадас оржээ. Орсон тунадасны хэмжээг олон жилийн дундаж утгатай харьцуулж үзвэл нийт нутгаар дунджаас бага оржээ.    

Цас: Арав хоногт нэг удаа хийдэг хээрийн цасны хэмжилтийн мэдээгээр 3 дугаар сарын 31-ны байдлаар Булган, Хишиг-Өндөр, Баяннуурт бага зэргийн /2-3 балл/ тарлантсан цастай, бусад нутгаар цас хайлж цасгүй болжээ.

МАА-н үйлдвэрлэлд ихэнх нутгаар мал төллөх, ноолуур самнах, малд нэмэгдэл тэжээл өгөх ажил хийгдэж байна.

Тойм бичсэн: ХААЦУ-ын инженер Э.Сарантуяа

2024-04-01